Su borusu partladı: avtomobil yolu su altında qalıb - Abşeronda

Abşeronda su borusu partlayıb. Avtomobil yolu su altında qalıb. Avtosfer.az-ın "Report"a istinadən məlumatına görə, hadisə Saray qəsəbəsində baş verib.

Qəsəbədə su borusunun sıradan çıxması nəticəsində Sumqayıta gedən yol tamamilə su altında qalıb. Hətta su o qədər çox olub ki, avtomobillərin hərəkətində çətinliklər yaranıb.

Əraziyə Azərsu ASC-nin Abşeron Su Kanal İdarəsinin əməkdaşları cəlb olunub. Hadisənin qismən qarşısı alınıb.

Hazırda ərazidə təmir bərpa işləri həyata keçirilir. Avtomobillərin hərəkətində qismən çətinliklər mövcuddur.