Sumqayıt sakinləri bu küçədəki səkinin son dəfə nə vaxt təmir edildiyini unudub - FOTO

Sumqayıtın əsas küçələrindən birinin vəziyyəti sakinləri narahat edir.

Avtosfer.az xəbər verir ki, şəhərin Nizami küçəsində səki daşlarının olmaması, eləcə də köhnə asfalt örtüyünün dağılması ciddi narazılığa səbəb olub.

Belə ki, küçənin Vərəm Dispanserinin binası ilə üzbəüz hissəsində, eləcə də keçmiş “Vaqif” teatrı ilə üzbəüz ərazilərdə səkidə bərbad vəziyyət yaranıb. Sakinlərin sözlərinə görə, qeyd olunan hissələrdə səkinin sonuncu dəfə nə vaxt təmir edildiyi artıq özlərinin də yadından çıxıb. Bildirilir ki, üzbəüz ərazilər bir neçə il əvvəl park və dövlət qurumlarına aid binalar yerləşdirildiyinə görə təmir edilib. Lakin sakinlər yaşayan binaların qarşısındakı səkilərə biganə yanaşma sərgilənir.

Vətəndaşlar aidiyyəti qurumların yaranan problem tezliklə həll edilməsini tələb edir.

Səfər