Sumqayıtda avtomobil vuran "süpürgəçi" kimidir? - DYP-dən açıqlama

Bu gün səhər saatlarında Sumqayıt şəhərində piyadanın vurulması ilə qəza baş verib. Avtosfer.az-ın Sumqayıt Şəhər Yol Polisi Şöbəsindən əldə etdiyi məlumata görə, yol kənarındakı ağacların sulanması ilə məşğul olan Sumqayıt şəhəri Yaşıllaşdırma İdarəsinin əməkdaşı - Vidadi Rəsulov Koroğlu küçəsində keçid olmayan yerdən yolu keçərkən 99 LS 332 dövlət nömrə nişanlı, “Opel” markalı avtomobil tərəfindən vurulub və hadisə yerində keçinib. Avtomobilin sürücüsü Taryel Xəlilov hadisədən az sonra Sumqayıt şəhər Polis İdarəsinin əməkdaşları tərəfindən saxlanılıb və istintaq orqanlarına təhvil verilib. Hazırda hadisə ilə əlaqədar Sumqayıt şəhər Polis İdarəsində araşdırma aparılır. 

Orxan