Sumqayıtda mənzildən 19 yaşlı gəncin meyiti tapılıb

Sumqayıt şəhərində mənzildə 19 yaşlı gəncin meyiti tapılıb. 

"Report" Fövqəladə Hallar Nazirliyinin saytına istinadən xəbər verir ki, Böhran Vəziyyətlərində İdarəetmə Mərkəzinə bir nəfərin mənzildə bağlı qapı arxasında köməksiz vəziyyətdə qalması barədə məlumat daxil olub. 

Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1999-cu il təvəllüdlü Sənan Qədimoğlan oğlu Ülvizadənin meyitini aidiyyəti üzrə təhvil veriblər.  

O.Ə