Sumqayıtda satıcılar mərkəzdəki avtobus dayanacağını bu hala salır - FOTO

Sumqayıt sakinləri şəhərin bəzi küçələrində yaranan natəmiz vəziyyətdən narazıdırlar.

Avtosfer.az xəbər verir ki, şəhərin xüsusilə 20 Yanvar küçəsində avtobusların dayanacağı olan ərazinin kütləvi şəkildə zibilləndirilməsi narahatlıq yaradıb.

Belə ki, Sumqayıt bazarının arxa küçəsində axşamdan yaranan natəmizlik səhər doğru artıq avtobus dayanacağında üfunətə səbəb olur. Bu isə ərazidən istifadəni mümkünsüz edir. Qeyd edilir ki, ərazinin bu hala düşməsinin səbəbi gün ərzində satıcıların satdıqları malın xarab hissəsini, paketini və digər tullantılarını yolun kənarına, dayanacağa atmalarıdır.

Sakinlər şəhərin mərkəzi küçəsində bu cür natəmizliyin aidiyyəti qurumlar tərəfindən qarşısının alınmasını tələb edir.

Səfər