Sumqayıtdakı bu marşrut avtobuslarından da narazılıq artıb - FOTO

Məsələ ilə bağlı Sumqayıt şəhər İcra Hakimiyyətindən cavab olaraq bildirildi ki, Sumqayıt şəhərində ictimai nəqliyyatdakı mövcud problemlərin aradan qaldırılması üçün tədbirlər planı hazırlanıb. Bu sahədə kompleks tədbirlərin görülməsi nəzərdə tutulub. Qeyd olunan problemlər qeydiyyata alındı və aidiyyatı qurumlara bu barədə məlumat veriləcək.

***

17:00, 02.06.2026

***

Sumqayıt şəhərində fəaliyyət göstərən marşrut avtobuslarının fəaliyyəti ilə bağlı narazılıqlar atmaqdadır.

Avtosfer.az xəbər verir ki, şəhəriçi fəaliyyət göstərən 33 nömrəli marşrut avtobuslarının vaxtaşırı nasazlanması, eləcə də xəttən kənar faəliyyəti sakinləri narahat edir. Saytın sosial şəbəkə hesabına müraciət edən sakin bildirir ki, sakinlər saatlarla avtobus gözləyir, gələndə isə həddindən artıq dolu olur. Lazım olmayan vaxtda ard-arda işləyir, amma ən pik saatlarda yoxa çıxır.

Üstəlik, avtobusların çoxu nasazdır, bəzən də yolda xarab olub şəhərin ortasında qalır. Bundan əlavə avtobusun yolunu uzatdılar ki, ərazidə yaşayanlar üçün alternativ olsun, amma nəticə əksinə oldu. İndi hamı yer tutmaq üçün, son dayanacağa gəlir, avtobuslar gecikdikdə isə uzun məsafəni piyada qayıtmalı olurlar. Orada isə artıq avtobus dolu olur və camaat minə bilmir.

Şikayətçi bildirir ki, artıq Sumqayıtda da Gəncə və Bakı şəhərlərindəki kimi “BakuBus”ların gətirilməsi labüddür. Şəhərdəki übtün nəqliyyat bir nəfərin əlində cəmləşdiyi üçün bu cür vəziyyətin aradan qaldırılması istiqamətində heç bir iş görülmür.

Səfər