Sumqayıtın 16 il ərzində dəyişən küçələri – Səki zəbti, artırılan teraslar, pozulan qaydalar - FOTO

Sumqayıt şəhərində illər ərzində sosial iqtisadi vəziyyətin yaxşılaşması özünün bir sıra mənfi tərəflərini ortaya çıxarıb.

Avtosfer.az xəbər verir ki, şəhərin Azərbaycan prospektində sahibkarlar tərəfindən qaydaların pozulması sakinləri narahat edir. Belə ki, prospektdə son 15 ildə bir sıra iaşə obyektləri fəaliyyətə başlayıb. Əvvəllər belə müəssisələrin fəaliyyətinə ciddi nəzarət edildiyi üçün səkidə fəaliyyətə şərait yaradılmırdı. İndi isə mənzərə xeyli dəyişib.

Əvvəllər hamının “Neftçi mağazası” kimi tanıdığı idman malları mağazasının yerində indi başqa təyinatlı müəssisəs fəaliyyətdədir. O isə öz növbəsində fəaliyyət zonasını daha da genişləndirərək səkiyə doğru teras artırıb. Buna isə uzun müddətdir Sumqayıt Şəhər İcra Hakimiyyəti heç bir reaksiya vermir. Şəhərin mərkəzi poçtunun qarşısındakı geniş park ərazisinin bir hissəsi bu gün kafe və restoranlar tərəfindən zəbt edilib. Eyni hal prospektin bulvara doğru irəliləyən hissəsində də mövcuddur.

Sakinlər aidiyyəti qurumlardan belə mövzuları diqqətdə saxlamasını və qaydaları pozanlara qar.ı sərt tədbirlər görülməsini tələb edir.

Səfər