Sumqayıtın simvolu sayılan heykəlin son halı narazılıq yaratdı - FOTO

Sumqayıt şəhərinin simvoluna illər əvvəl çevrilən “Göyərçin” heykəli ilə bağlı narazılıqlar son dövrlərdə artmaqdadır.

Avtosfer.az xəbər verir ki, şəhərin Sülh prospekti ilə Səməd Vurğul küçələrinin kəsişməsində, parkda 1978-ci ildə ucaldılıb. Əvvəllər ölçüsü kiçik olan “Göyərçin” sonradan 7,5 metrə qədər ucaldılıb. Sumqayıt şəhərinin gerbində də öz əksini tapan bu heykəl vaxtaşırı rekonstruksiya edilib. Lakin son təmir işlərindən sonra heykəlin ətrafına çəpərlər çəkildi (azyaşlıları heykəlin üstünə çıxarıb fotosunu çəkirdilər, qanadlarının içi ilə sürüşürdülər deyə), üzərinə kontur LED işıqlar əlavə edildi. Ən son da önünə “I love Sumqayıt” yazıldı. Bütün bu dəyişikliklər şəhər sakinlərinin narazılığına səbəb olub.

Sumqayıt sakinləri şəhər icra hakimiyyətindən “Göyərçin”i əvvəlki vəziyyətə bərpa etməsini, daha müasir işıqlandırma sistemləri ilə bəzəməsini və heykəlin ətrafındakı mənasız və lüzumsuz elementləri yığışdırmasını təlbə edib.

Səfər