Sürücü iş yoldaşını güllələyib - Naftalanda

Naftalan rayonunda güllələnən qadının adı məlum olub. Avtosfer.az xəbər verir ki, Rayon sakini 1987-ci il təvəllüdlü Günay Gəray qızı İsayeva güllə yarası ilə xəstəxanaya yerləşdirilib.Yaralı qadın Goranboy Rayon Mərkəzi Xəstəxanasında əməliyyat edilib, vəziyyətinin orta-ağır olduğu bildirlir.

Hadisənin təfərrüatı məlum olub. Hadisə "Sehirli Naftalan" sanatoriyasında baş verib. Belə ki, sanatoriyada qeydiyyatçı vəzifəsində çalışan G.İsayeva ilə həmin sanatoriyada sürücü vəzifəsində çalışan Hüseynov Əli Hüseyn oğlu arasında müştəri üstündə mübahisə yaranıb. Mübahisə zəminində Ə.Hüseynov ov tüfəngi ilə qadını qarın nahiyəsindən güllələyərək yaralayıb. Hadisəni törədən şəxs saxlanılıb. Faktla bağlı araşdırmalara başlanılıb.