Sürücü orta yaşlı kişini vuraraq hadisə yerindən qaçıb - Bakıda

Bakıda orta yaşlı kişinin xəsarət alması ilə nəticələnən yol qəzası baş verib. Avtosfer.az "Report"a istinadən xəbər verir ki, yol-nəqliyyat hadisəsi Binəqədi rayonunda baş verib. Binəqədi qəsəbəsindəki "Orxan" marketin önündə təxminən 40-45 yaşlı kişini avtomobil vurub. Piyadanın vəziyyətinin ağır olduğunu görən sürücü hadisə yerindən qaçıb.

Yaralı təcili yardım maşını vasitəsilə 1 saylı Kliniki Tibbi Mərkəzə çatdırılıb.

Faktla bağlı Binəqədi Rayon Polis İdarəsində istintaq araşdırmaları aparılır.