Sürücülərin nəzərinə: Texniki baxış zamanı polisin səlahiyyəti məhdudlaşdırılır - VİDEO

Qarşıdakı illərdə yol hərəkəti təhlükəsizliyi ilə bağlı ciddi tədbirlər görüləcək. 2019-2023-cü illəri əhatə edən yol hərəkəti təhlükəsizliyi üzrə Dövlət Proqramında dövlət qurumları qarşısında konkret hədəflər qoyulub.

Yol hərəkəti qaydaları üzrə ekspert Ərşad Hüseynov deyir ki, proqramda yol hərəkəti təhlükəsizliyinin bütün tərkib hissələrinə yenidən baxılacaq və onlar təkmilləşdiriləcək. Sürücülük imtahanları və sürücülük vəsiqələri ilə bağlı qanunvericilikdə yeniliklər ediləcək.

Ekspertin sözlərinə görə, avtomobillərin texniki baxışdan keçirilməsində ciddi dəyişikliklər gözlənilir. Belə ki, 2021-ci ilə qədər avtomobillərin texniki baxışdan keçirilməsində dövlət yol polisinin səlahiyyətləri məhdudlaşdırılacaq

Dövlət proqramına əsasən, avtomobil yollarinda icazə verilən sürət həddi optimallaşdırılacaq. Növbəti üç ildə yasayış məntəqələri daxilində nəqliyyat vasitələrinin sürət həddinin küçə-yol şəbəkəsinin xüsusiyyətlərinə uyğun optimallaşdırılması, digər avtomobil yollarinda sürət həddi normalarına yenidən baxılması nəzərdə tutulub. Bundan əlavə, yol hərəkətinin təhlükəsizliyi ilə bağlı vahid elektron analitik məlumat bazası yaradılacaq.