Taksini Bakının mərkəzindən Bilgəhə sürdürdülər və…

Bakıda taksi sürücüsünə qarşı soyğunçuluq edilib. Avtosfer.az publika.az-a istinadən xəbər verir ki, Ramana qəsəbə sakini İsrafil Əsgərov 14-cü Polis Şöbəsinə müraciət edərək bildirib ki, Heydər Əliyev prospektində onun idarə etdiyi “Opel” markalı taksiyə minən şəxslər pulunu əlindən alıb. Belə ki, yeni açılmış supermarketin qarşısında taksiyə minən 2 nəfər onun Bilgəhə sürməsini istəyiblər. Bilgəh qəsəbəsi Hacıbəyov küçəsində isə həmin şəxslər sürücünün pulunu verməkdən imtina edib, həmçinin hədə-qorxu yolu ilə üzrindəki 30 manatı götürərək uzaqlaşıblar. Faktla bağlı araşdırma aparılır.