"Tesla" zavodunda yanğın baş verib

ABŞ-ın Frimont şəhərində (Kaliforniya ştatı) elektromobillərin istehsalı üzrə "Tesla" zavodunda yanğın baş verib. Avtosfer.az-ın Trend-ə istinadən məlumatına görə, bu barədə "Tesla" şirkətinin rəhbəri İlon Mask öz Twitter səhifəsində yazıb. İ.Mask bildirib: "Mən indicə orada idim. Cənub hasarın yanında utilizasiyası üçün yığılmış karton yanıb. Mən yanğınsöndürənlərə operativ reaksiyayalarına görə çox minnətdaram!". Onun sözlərinə görə, yanğın nəticəsində xəsarət alan olmayıb və zavoda zərər dəyməyib.