Texniki baxış ləğv olunacaq? - AÇIQLAMA

Avtomobilin texniki baxışdan keçirilməsi məsələsi zaman-zaman gündəmə gəlsə də, bu prosesin ləğvi ilə bağlı hər hansı rəsmi müzakirə aparılmır.

Maraqlıdır, avtomobilin texniki baxışdan keçirilməsi vacib addımdırmı?

Avtosfer.az-ın məlumatına görə, mövzu ilə bağlı Konkret.az-a açıqlama verən nəqliyyat eksperti Eldəniz Cəfərov bildirib ki, texniki baxışın keçirilməsi qanunvericiliklə müəyyən olunmuş tələblərdən biridir:

“Avtomobillərin texniki baxışdan keçirilməsi qanunvericilikdə təsbit olunub. Bunun ləğvi ilə bağlı hər hansı müzakirə yoxdur. Qanunvericilikdə belə bir tələb varsa, deməli, proses də tətbiq olunmalıdır”.

Ekspert həmçinin qeyd edib ki, texniki baxışın əvəzinə alternativ mexanizmlər barədə rəsmi şəkildə ortaya qoyulmuş hər hansı təklif mövcud deyil. Buna görə də mövcud sistemin dəyişdirilməsi yaxın perspektivdə real görünmür.