Təyyarənin sərnişinləri təxliyə edildi

Meksika paytaxtının hava limanın "Volaris" aviaşirkətinə məxsus təyyarənin göyərtəsində naməlum əşya aşkar edilib. Avtosfer.az-ın Trend-ə istinadən məlumatına görə, bu barədə hava limanın rəsmi nümayəndəsi Santyaqo Arquelyo bildirib. Onun sözlərinə görə, San-Antonio - Mexiko reysini həyata keçirən təyyarənin göyərtəsində naməlum əşyanın tapılması səbəbindən sərnişinlər təxliyə edilib. Rəsmi nümayəndə, əşyanın təhlükəli olub-olmaması barədə məlumat verməyib. "Volaris" aviaşirkəti hələki insidenti şərh etməyib.