Ticarət mərkəzinə silahlı hücum: 4 yaralı

ABŞ-da ticarət mərkəzinə silahlı hücum olub. Avtosfer.az “Report”a istinadən xəbər verir ki, hadisə Alabama ştatının Quver şəhərində baş verib. Bir nəfər kişi ticarət mərkəzinə daxil olaraq atəş açıb. İlkin məlumata görə, ən azı 4 nəfər yaralanıb. Hazırda yaralıların sayı dəqiqləşdirilir. Polis silahlı şəxsi vuraraq zərərsizləşdirib. Qeyd edək ki, bu gün ABŞ-da “Qara cümə” (“Black Friday”) günüdür. Bu gün qiymətlər endirilir və ticarət mərkəzlərində böyük izdiham yaşanır.