Tıxac etirazlara səbəb oldu: "Cəhənnəmə xoş gəlmisiniz" - FOTO

Bakı Sumqayıt yolunda Avtovağzal-Xırdalan dairəsi istiqamətində gedən təmin işləri şəhərdə ciddi tıxacların yaranmasına səbəb olub. Xüsusilə 20 yanvar istiqamətində gedən bütün yollara, Şamaxinka, Tbilisi prospekti, Abdulvahab Salamzadə küçəsi, 3-cü mikrorayon dairəsində dəhşətli tıxac yaranıb. Sosial şəbəkələrdə də bu hal ciddi şəkildə etiraza səbəb olub. Azərbaycan Avtomobil Yolları Dövlət Agentliyinin ünvanına sərt fikirlər səsləndirilib. 

Hüquq müdafiəçisi Sahib Məmmədov isə həmin qurumu pul yığmaq naminə tez-tez eyni yolu bağlayıb təmin etməkdə ittiham edir. Digər sosial şəbəkə istifadəçiləri də bu dövlət agentliyinin ünvanına ittihamlar səsləndirərək yollarda hərəkəti bağlayıb insanları narahat etməməyi, bu cür işləri mərhələli şəkildə həyata keçirməyi bildiriblər.