Torpaq sürüşməsi baş verdi: 7 ölü

İndoneziyanın qərbində Şimali Sumatra əyalətində mehmanxananın torpaq sürüşməsinin altında qalması nəticəsində azı yeddi nəfər həlak olub, yeddi nəfər isə xəstəxanaya yerləşdirilib. Avtosfer.az Azərtac-a istinadən xəbər verir ki, həmin 14 nəfərin Karo dairəsindəki Daulu kəndində yerləşən mehmanxanada gecələməyə qalan tələbələr olduğu bildirilir. Hadisə nəticəsində xəsarət alanlar yerli xəstəxanaya yerləşdirilib. Onların səhhəti barədə hələlik məlumat verilmir. Səhiyyə işçiləri həlak olanların şəxsiyyətini müəyyən etməyə çalışır.