Torpaqların səmərəli istifadəsi üçün peyk nəzarət sistemi qurulur - VİDEO

Ölkəmizdə ilk dəfə olaraq torpaqların səmərəli istifadəsində peyk nəzarət sistemi qurulur. Artıq bununla bağlı işlərə başlanılıb. Avtosfer.az xəbər verir ki, Avropa ölkələrinin təcrübəsi öyrənilərək Sloveniyadan olan mütəxəssislər prosesə cəlb edilib.

Peyk nəzarəti sisteminin yaradılması ilə bağlı Əmlak Məsələləri Dövlət Komitəsində operator qrupu formalaşdırılır. Peyk çəkilişi nəticəsində əldə olunan məlumatlar bu qrupa yönləndiriləcək. Operator qrupu həmin məlumatları ərazi idarələrinə göndərəcəklər. Ərazi idarələrinin nümayəndələri torpaq üzərindəki dəyişikilikləri yoxlayaraq mərkəzə məlumat verəcəklər.

Sistem vasitəsilə torpaqların məhsuldarlığının araşdırılması, quraqlıq sahələrinin kateqoriyalara bölünməsi və rəqəmsal xəritələrin tərtibi işləri də həyata keçiriləcək.

Yeni sistemin tətbiqinə gələn ildən başlanacaq.

Avtosfer.az