Toyda partlayış törədildi - 6 ölü, 20 yaralı

Əfqanıstanın şərqindəki Loqar əyalətində toy mərasimi zamanı partlayış törədilib. Avtosfer.az-ın Trend-ə istinadən məlumatına görə, hadisə nəticəsində azı 6 nəfər həlak olub, 20 nəfər isə yaralanıb. Qeyd olunur ki, partlayıcı qurğu musiqiçilərin oturduğu səhnənin altında quraşdırılıb. Polisin ilkin ehtimalına əsasən, hadisəyə qan düşmənçiliyi səbəb olub. Partlayışın təfərrüatları ilə bağlı araşdırma aparılır.