Trampın 15 milyon dollarlıq yeni avtomobili - FOTO

ABŞ prezidenti Donald Tramp üçün hazırlanan avtomobil sınaqdan keçirilib. Modellə bağlı detalları, eləcə də, texniki göstəriciləri gizli saxlanan “Canavar” adlı “Cadillac” limuzin yayın sonunda prezidentin xidmətinə veriləcək. “General Motors”un istehsal etdiyi avtomobilə ABŞ Gizli Xidmət Orqanları 15.8 milyon dollar ödəyib.

Avtomobilin texniki göstəriciləri gizli saxlanılır. Lakin mətbuata sızan məlumata görə, avtomobil zirehli və silahlı lüks sedandır. Kimyəvi, eləcə də, bioloji hücumlara davamlıdır. Avtomobildə prezidentin həyatına təhlükə yarandığı halda lazımi tibbi avadanlıqlar, qan bankı yerləşdirilib. Avtomobil dizayn baxımından “Cadillac”ın CT6 Sedan modelinə bənzəyir. Onu da qeyd edək ki, ABŞ prezidentləri üçün limuzinlər 1993-cü ildən indiyədək “Cadillac” tərəfindən istehsal edilir.