Transların dəyənəkli davası kameralarda göründü

Afyonkarahisarda travestilərlə bir qrup arasında dava çıxıb. İki tərəfin bir-birinə tüfəng qundağı və dəyənəklə hücum etmə anı kameralara əks olunub. Metbuat.az-ın türk mediasına istinadən verdiyi məlumata görə, hadisə Ərənlər Məhəlləsi Gənclik Parkı yaxınlığında baş verib. Ötən gün gecə saatlarında, yolun ortasında dayanan avtomobildən enən 2 travesti və bir şəxs qarşılarında duran 3 şəxs ilə mübahisə etdikdən sonra bir anda bir-birinə hücum edib. Sonra travestilərdən biri uzun lüləli bir tüfənglə qarşı qrupdan 2 nəfəri döyüb. Şəxslər aldıqları zərbələr ilə yerə yıxılıb. Həmin yerə qaçan bir nəfər isə travesti yoldaşlarının döydüyü şəxslərə avtomobildən götürdüyü beysbol dəyənəyi ilə vurub. Qarşı qrupdakı şəxslərdən biri travestinin əlindən tüfəngi götürərək avtomobilə doğru qaçdığı travestilərə qundaqla zərbələr endirib.

Hadisə yerinə gələn polis dəstələri davaya müdaxilə edib. Travestilər və qarşı qrup yenidən təpik və yumruqlarla bir- birinə hücum çəkib. Hadisə anı ətrafdakı vətəndaşların mobil telefon kamerasına əks olunub. Hər iki tərəf polis dəstələri tərəfində saxlanılıb.