Turist gəmisi yandı

Tailandın Lava adası yaxınlığında turist gəmisində yanğın baş verib. Avtosfer.az-ın Trend-ə istinadən məlumatına görə, yanğın gəmi birgünlük ekskursiyada olarkən başlayıb. Qeyd olunur ki, yanğından əvvəl 3 partlayış səsi eşidilib. Yanğın zamanı turistlər dənizdə olduqları üçün hadisə nəticəsində xəsarət alan olmayıb. Ümumilikdə, həmin səyahətdə 20-dən çox turist olub. Partlayışların kapitan göyərtəsində baş verdiyi ehtimal olunur. Hadisə ilə bağlı araşdırma aparılır.