Türkiyə helikopterlərinin Pakistana tədarükünə mane olan dövlətin adı açıqlandı

Türkiyənin T129 Atak helikopterlərinin Pakistana tədarükü ABŞ-a görə gecikir. Avtosfer.az oxu.az-a istinadən xəbər verir ki, bunu TASS-a açıqlamasında SMM Müdafiə sənayesinin türk katibliyinin nümayəndəsi Karaçidə keçirilən hərbi sərgidə deyib. O bildirib ki, kontraktın icrası ən azı altı ay müddətinə təxirə salınır. Bu, ABŞ-ın “Atak” helikopterləri üçün mühərriklərin tədarükündən imtina etməsi ilə bağlıdır. Bildirilir ki, “Atak” helikopterlərinin istehsalçısı olan “Turkish Aerospace Industries” şirkəti yaranmış vəziyyətdən çıxış yolu kimi Avropa yaxud Çin istehsalı olan mühərriklərinin alınması perspektivini nəzərdən keçirir.  Qeyd edək ki, Türkiyə ilə Pakistan arasında 30 T129 Atak helikopterinin tədarükünə dair saziş ötən yay imzalanıb.