Türkiyədə qəzaya uğramış hərbi təyyarənin pilotu ölüb

Türkiyənin Nevşehir əyalətində qəzaya uğrayan “F-16” qırıcı təyyarəsinin pilotu həlak olub. “Report” “TRT Haber”ə istinadən xəbər verir ki, bu barədə Türkiyə Baş Qərargahının nümayəndəsi məlumat yayıb. “Qəzadan dərhal sonra aparılmış əməliyyat–axtarış tədbirləri nəticəsində təyyarənin qalıqları və pilotun meyiti aşkar olunub”, - deyə Baş Qərargahın rəsmi internet səhifəsində qeyd olunub.

*** 22:57

Türkiyənin Nevşehir əyalətində təyyarə qəzası baş verib. Türkiyə Hərbi Hava Qüvvələrinə məxsus "F-16" qırıcısı təlimlər zamanı qəzaya uğrayıb. Hadisə nəticəsində ölən və yaralananlar barədə hələ ki, heç bir məlumat yoxdur.