Türkmənistan prezidenti iclasa velosipedlə gəldi

Türkmənistan prezidenti Qurbanqulu Berdiməhəmmədov hökumətin iclasına velosipedlə gəlib.  Avtosfer.az oxu.az-a istinadən xəbər verir ki, bununla bağlı hökumətin rusdilli qəzeti olan “Neytralnıy Turkmenistan” məlumat yayıb. Bildirilib ki, Berdiməhəmmədov Nazirlər Kabinetinin iclasına səhər saatlarında velosipedlə yola düşüb. “Prezident qeyd edib ki, davamlı şəkildə idmanla məşğul olmaq insan sağlamlığına müsbət təsir göstərir. Bununla dövlət başçısı türkmənlərə birbaşa örnək olur”, - qəzet yazıb.  Prezident sarayı ilə Nazirlər Kabinetinin binası arasındakı məsafə bir neçə yüz metrdir.