“Uber” pilotsuz nəqliyyat proqramını müvəqqəti olaraq dayandırır

ABŞ-da “Uber” şirkətinə məxsus pilotsuz taksinin vurduğu qadın həlak olub. Arizona ştatının polis idarəsinin məlumatına görə, Tempe şəhərində pilotsuz taksinin törətdiyi qəza ilə bağlı araşdırma aparılır. “Uber”in rəhbərliyi isə bəyan edib ki, şirkət Birləşmiş Ştatlarda və Kanadada pilotsuz nəqliyyat proqramını müvəqqəti olaraq dayandırır. Tepme şəhərində baş vermiş yol-nəqliyyat hadisəsi bütün dünyada sınaq mərhələsində olan pilotsuz nəqliyyat vasitəsinin törətdiyi ilk qəzadır.