Üç aydır suyun içərisində yaşayan SAKİNLƏR: Heç bir yardım almırıq ... - VİDEO

Ötən ilin oktaybr ayında paytaxtda güclü yağış yağdı, yağış suları şəhərdə və qəsəbələrdə bir sıra fəsadlar yaradıb. Avtosfer.az xəbər verir ki, hadisənin üzərindən 3 aydan çox vaxt keçsə də yağışın fəsadları Binə qəsəbəsində hələ də qalmaqdadır. Sakinlər hər gün aidiyyəti qurumlara zəng vurub kömək istədiklərini, lakin heç bir yardım ala bilmədiklərini deyirlər.

Üç aydır suyun içərisində yaşamaqdan bezən sakinlər problemlərini "Xəzər Xəbər"ə danışıblar.

Məsələ ilə bağlı İri Şəhərlərin Birləşmiş Su Təchizatı Xidmətindən bildirildi ki, sözügedən ərazidə mərkəzləşdirilmiş tullantı su şəbəkəsi mövcud deyil. Ərazinin yaxınlığında da kanalizasiya sistemi olmadığından yağış sularının ünvandan kənarlaşdırılması işi çətinləşir. Qurum deyir ki, məsələ müvafiq rayon sukanal idarəsinin diqqətindədir.

Xəzər Rayon İcra Hakimiyyəti və qəsəbə bələdiyyəsindən isə mövqe bildirilməyib.

Ətraflı videomaterialda.