Üç evdən oğurluq edən keçmiş məhkum tutulub - Abşeronda

Abşeron rayonunda üç evdən oğurluq etməkdə şübhəli bilinən şəxs tutulub. Daxili İşlər Nazirliyinin (DİN) mətbuat xidmətindən Avtosfer.az-a verilən məlumata görə, Abşeron Rayon Polis İdarəsinin əməkdaşlarının keçirdikləri əməliyyat tədbirləri ilə ötən il dekabrın 30-dan cari il mayın 5-dək olan müddətdə rayon ərazisindəki üç evdən pul, qızıl və məişət əşyaları oğurlamaqda şübhəli bilinən Mehdiabad qəsəbə sakini, əvvəllər məhkum olunmuş Cəbrayıl Abuzərov saxlanılıb.