Ukraynanı Avropa ilə birləşdirən tunel açıldı

Ukraynanın Lvov vilayətində bu ölkəni Avropa İttifaqı ilə birləşdirən tunel açılıb. Trend-in məlumatına görə, uzunluğu 1822 metr olan Beskid tuneli yerin 180 metr dərinliyindən keçir. Qeyd olunur ki, əsası hələ 1886-cı ildə qoyulmuş tunel 2007-ci ildə qəzalı vəziyyətdə olması ilə əlaqədar təmirə bağlanmışdı. Təmirdən sonra açılan və sahəsi genişləndirilən tunelin buraxılış gücü sutkada 200 qatar olacaq.