"United Airlines" şirkətinin təyyarəsi Yaponiyada məcburi eniş edib

ABŞ-ın "United Airlines" aviaşirkətinin təyyarəsi Yaponiyada məcburi eniş edib. Trend-in TASS-a istinadən verdiyi məlumata əsasən, təyyarə Yaponiyanın paytaxtı Tokioda, Narita hava limanında enib. Təyyarə Los-Anceles şəhərindən Şanxaya uçurdu. Uçuş zamanı mühərrikin işində nasazlıq qeydə alınıb. Xəsarət alanlar barədə məlumat verilmir.