Vağzalı bomba xəbərdarlığı ilə əlaqədar təxliyyə edilib

Strasburqun dəmiryol vağzalı partlayıcı qurğu xəbərdarlığı ilə əlaqədar təxliyyə edilib. Avtosfer.az xəbər verir ki, bu barədə "Report" yerli "Alsase" portalına istinadən xəbər verir. Bildirilir ki, Milli Dəmir Yolları Şirkəti (SNCF) yerli vaxtla saat 18:15-də bomba təhlükəsi haqda məlumat alıb. Əraziyə gələn polis əməkdaşları dərhal vağzalın bütün sərnişinlərini təxliyyə ediblər və partlayıcı qurğunun axtarışına başlayıblar. Hadisənin təfərrüatı barədə məlumat verilmir.