Venesiyanın tarixi mərkəzi 75 faiz su altında qalıb - VİDEO

Venesiyada tarixi mərkəz Afrikadan gələn sirokko küləyi səbəbindən təqribən 75 faiz su altında qalıb. Avtosfer.az “Report”a istinadən xəbər verir ki, 29 oktyabr tarixində yerli vaxtla təqribən 15:00-da suyun səviyyəsi dəniz səviyyəsindən 156 sm-ə çatıb. Hazırda şəhər meri Luici Brunyaronun göstərişinə əsasən, yerli sakin və turistlərə San-Marko meydanına keçmək qadağan edilib. Bu tədbirlər bədbəxt hadisələrdən qaçmaq üçün görülüb. Bildirilir ki, suyun səviyyəsinin 156 sm-ə çatmasından sonra hakimiyyət Venesiyada ictimai nəqliyyatın əsas növü olan məşhur vaporetto paroxodlarının işini dayandırıb.