“Xaliq Faiqoğlu”nun avtobusları gecəyədək pulsuz işləyəcək - FOTO

“Xaliq Faiqoğlu” şirkəti dünəndən etibarən sərnişinlərə ödənişsiz xidməti davam etdirir. Bu gün səhər saatlarından etibarən şəhərin müxtəlif istiqamətlərinə hərəkət edən avtobuslarımız sərnişinlərin mənzil başına çatdırılması prosesində fəal iştirak edir. Həmçinin bir qrup nəqiyyat vasitəmiz metronun “Koroğlu” stansiyası istiqamətindəki sıxlığın aradan qaldırılması işinə cəlb edilib. 

İlkin hesablamalara görə, avtobusarımız gün ərzində yarım milyondan çox sərnişinə xidmət göstərəcək. Sərnişinlərin daşınması prosesi gecə saatlarınadək davam etdiriləcək.

Hər zaman sərnişin məmnuniyyətini və rahatlığını, eləcə də xidmətkeyfiyyətini düşünən “Xaliq Faiqoğlu” MMC bu çətin günlərdə əhalinin xidmətində olmaqdan qürur duyur.

Elmin