"Xaliq Faiqoğlu"nun avtobusları sərnişinlərə pulsuz xidmət etdi - FOTO

Bu gün axşam saatlarında Bakıda elektrik enerjisinin verilişində yaranan problemlər həmçinin Bakı Metropoliteninin fəaliyyətinin dayanması nəticəsində yaranmış sərnişin sıxlığı ilə əlaqədar “Xaliq Faiqoğlu” MMC-nin istismarında olan marşrut avtobusları xüsusilə metro stansiyaları ətrafında gücləndirilmiş iş rejiminə keçərək, gecə saatlarına kimi vətəndaşların pulsuz daşınmasını həyata keçirib.

Xüsusi ilə Bakı Metropoliteninin “Elmlər Akademiyası”, “Sahil”, “Memar Əcəmi” və “İçərişəhər” stansiyalarının ətrafındakı insanların daşınmasında şirkətə məxsus 18, 85, 79 saylı marşrut xətti üzrə hərəkət edən avtobuslar xüsusi fəallıq göstərib və on minlərlə insan mənzil başına çatdırılıb.

Ümumiyyətlə şirkətin istismarında olan bütün marşrut avtobusları metro stansiyalarının ətrafındakı insanların ödənişsiz formada daşınmasında fəal iştirak edib.

Qeyd edək ki, “Xaliq Faiqoğlu” MMC “Safa Holding” şirkətlər qrupunun tərkibində fəaliyyət göstərir. 

Şirkət tərəfindən iyulun 4-də xidmətin gücləndirilməsi ilə bağlı müvafiq tədbirlər planı da tərtib edilib.