Xeyli sayda güclü təsiredici həb qanunsuz dövriyyədən çıxarılıb

Azərbaycanda xeyli sayda güclü təsiredici həb qanunsuz dövriyyədən çıxarılıb. DİN-in Mətbuat xidmətindən Avtosfer.az-a verilən məlumata görə, Yasamal rayon Polis idarəsinin 29-cu polis şöbəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Lənkəran rayon sakini Z.Abdullayeva saxlanılıb. Ondan güclü təsiredici xüsusiyyətə malik 305 ədəd metadon həbləri aşkar edilərək götürülüb. Faktla bağlı cinayət işi başlanılıb, istintaq aparılır.