Yanacaqdoldurma stansiyalarında alkoqol satışı qadağan ediləcək

Çexiyanın avtomobil yanacaqdoldurma stansiyalarında tezliklə spirtli içkilərin satışına son qoyulacaq. Avtosfer.az Azərtac-a istinadən xəbər verir ki, bununla bağlı Çexiyanın Nazirlər Kabineti və Səhiyyə Nazirliyi tərəfindən müvafiq qərar qəbul edilib. Ölkə vətəndaşlarının tünd spirtli içkilərdən həddindən artıq istifadəsinə və məhdudiyyətin qəbul edilməsi zərurətinə hətta Dünya Səhiyyə Təşkilatı da diqqət yetirir. Spirtli içkilərin satışına müəyyən yerlərdə məhdudiyyət qoyulması ilə yanaşı, Nazirlər Kabineti tünd spirtli içkilər üzərinə qoyulan istehlak vergisinin artırılması məsələsini də nəzərdən keçirir.