Yaşlı qadın kürəkəni və nəvəsi tərəfindən döyülüb - Ağstafada

Ağstafa rayonunda kürəkən oğlu ilə birgə qaynanasını döyüb. Avtosfer.az-ın "Report"a istinadən məlumatına görə, rayonun Yenigün kəndində, 1934-cü il təvəllüdlü Xədicə Abbas qızı Əliyeva kürəkəni və nəvəsi tərəfindən döyülüb. Müxtəlif bədən xəsarətləri alan qadın xəstəxanaya yerləşdirilib. Onun vəziyyətinin orta-ağır olduğu bildirilir. İlkin məlumatlara görə, qızının evində qalan qadınla kürəkəni arasında əvvəllərdə münaqişə olub. Axşam saatlarında yenidən münaqişə yaşanıb və bu səfər kürəkən oğlu ilə birgə yaşlı qadını yumruq zərbələri ilə döyüb. Faktla bağlı araşdırma aparılır.