Yeniyetmə at arabasının altında qalaraq ölüb - Ağstafada

Ağstafa rayonunda yeniyetmə at arabasının altında qalaraq ölüb. Avtosfer.az "Report"a istinadən xəbər verir ki, hadisə rayonun Saloğlu qəsəbəsinin ərazisində baş verib. Belə ki, qəsəbə sakini, 2004-cü il təvəllüdlü Famil Tahir oğlu İbrahimov hərəkətdə olan at arabasından yıxılaraq arabanın təkərinin altında qalıb. Ağır bədən xəsarətləri alan F.İbrahimov xəstəxanaya aparılarkən yolda ölüb. Faktla bağlı araşdırmalara başlanılıb.