Yola aşan ağac kəsilərək götürülüb - FOTO

Noyabrın 10-da paytaxtın Səbail rayonu ərazisində - Şeyx Şamil küçəsində yol kənarındakı ağaclardan biri aşıb. Avtosfer.az Azərtac-a istinadən xəbər verir ki, hadisə nəticəsində ölən və ya xəsarət alan olmayıb. Ağacın aşması nəticəsində yolda nəqliyyat vasitələrinin hərəkətinə maneə yaranıb. Fövqəladə Hallar Nazirliyinin aidiyyəti struktur qurumlarının nümayəndələri dərhal hadisə yerinə cəlb olunub. Ağac kəsilərək götürülüb və yolda nəqliyyat vasitələrinin hərəkəti bərpa edilib.