Yük avtomobillərinin sürücüləri tətil elan edib

İranda ağır tonnajlı yük avtomobillərinin sürücüləri tətil elan edib. Avtosfer.az “Report”a istinadən xəbər verir ki, onlar hökumətin iqtisadi siyasətinə etiraz olaraq işə çıxmayıblar.  Ölkənin Bəndər Abbas limanında keçirilən aksiya sosial şəbəkələrdə də geniş yayılıb. Sürücülərin işə çıxmaması yüklərin Bəndər Abbas limanından daşınmasını gecikməsinə səbəb olub. İranın başqa şəhərlərində işləyən ağır tonnajlı yük avtomobillərinin sürücülərinin də tətilə qoşulacaqları istisna deyil.  Qeyd edək ki, ABŞ-ın tətbiq etdiyi sanksiyalar İran iqtisadiyyatına böyük zərbə vurur, ölkədə yaşayış səviyyəsi gündən-günə aşağı düşür.