Yunanıstanı viran qoyan "Zorba" Türkiyəyə yaxınlaşır - VİDEO

Yunanıstanda tüğyan edən qasırğa ciddi fəsadlara yol açıb. Avtosfer.az-ın Trend-ə istinadən məlumatına görə, ən böyük ziyan Peloponnes yarmadasına dəyib. Hətta Peloponnes qubernatoru Petros Tatulis ölkə hakimiyyətinə yarımadada fövqəladə vəziyyət elan edilməsi ilə müraciət etməyi qərara alıb. Qubernator köməkçisi Anqelos Papanqelopulosun sözlərinə görə, güclü külək və yağışla müşaiyət olunan qasırğa nəticəsində çaylar məcrasından çıxıb, Arqos və Nafplio şəhərlərində küçələr su altında qalıb. Dəhşətli "Zorba" qasırğasının artıq Türkiyə sahillərinə yaxınlaşdığı qeyd edilir. İzmir, Aydan və Muğla sakinlərinə yaxınlaşan qasırğa ilə bağlı xəbərdarlıq edilib. İzmir və Quşadasında gəmilərin hərəkəti bunula əlaqədar olaraq dayandırılıb.