Zaqatala sakini kəsdiyi ağacın altında qalaraq ölüb

Zaqatalada 33 yaşlı kişi kəsdiyi ağacın altında qalaraq ölüb. Avtosfer.az-ın “Report”a istinadən məlumatına görə, hadisə Danaçı kəndi ərazisində qeydə alınıb. Kənd sakini, 1985-ci il təvəllüdlü Murad Əhməd oğlu Mehdiyev pay torpağındakı ağacı kəsərkən ehtiyatsızlıqdan ağac onun üstünə düşüb. M.Mehdiyev aldığı müxtəlif dərəcəli bədən xəsarətlərindən hadisə yerində ölüb. Faktla bağlı araşdırma aparılır.