Zavodda partlayış baş verdi: 6 ölü, 7 yaralı

Çində kimyəvi gübrə zavodunda partlayış baş verib. Avtosfer.az "Report"a istinadən xəbər verir ki, bu barədə "Sinhua" agentliyi məlumat yayıb. Bildirilir ki, hadisə Hebey vilayətində qeydə alınıb. Sinle şəhərindəki müəssisədə peçin partlaması nəticəsində 6 nəfər ölüb, daha 7 nəfər yaralanıb. Yaralılara tibbi yardım göstərilib və onlar xəstəxanaya yerləşdirilib. Məlumata görə, onlardan 2-nin vəziyyəti ağırdır. Hadisənin səbəbi araşdırılır.