Zəlzələ Yeni Zelandiyanın böyük adalarını yaxınlaşdırıb

Yeni Zelandiyanın Şimal və Cənub adaları yaxınlaşıblar. Avtosfer.az “Report”a istinadən xəbər verir ki, bu, 2016-cı ildə ölkə ərazisində baş verən zəlzələlərdən sonra qeydə alınıb. Belə ki, Cənub adasının şimal-şərq hissəsində yerləşən Keyp Kempbell şəhəri Şimal adsının cənub sahilində yerləşən paytaxt Vellinqtona 35 santimetr yaxınlaşıb. Bununla yanaşı, 7,8 maqnitudalı yeraltı təkandan sonra Cənub adasındakı Kaykoura şəhəri yaxınlığında dəniz səviyyəsinin 2 metrədək aşağı düşdüyü də bildirilir.