Zirzəmidən 4 kiloqrama yaxın narkotik maddə aşkarlanıb - FOTO

Cəlilabad Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı növbəti uğurlu əməliyyat tədbiri keçiriblər. DİN Mətbuat Xidmətinin Lənkəran regional qrupundan Avtosfer.az-a verilən məlumata görə RPŞ əməkdaşları tərəfindən keçirilmiş əməliyyat-axtarış tədbirləri nəticəsində narkotik maddələrin qanunsuz dövriyyəsi ilə məşğul olmaqda şübhəli bilinən Cəlilabad şəhər sakini Fərhad Mikayılov saxlanılıb. Araşdırmalarla onun külli miqdarda narkotik vasitəni şəhərin Qurtuluş küçəsindəki çoxmənzilli binanın zirzəmişində gizlətdiyi müəyyən edilib. Orada gizlətmiş olduğu 4 bükümdə ümumi çəkisi 3 kiloqram 770 qram olan narkotik maddə tiryək aşkar olunaraq götürülüb. Faktla bağlı Cəlilabad RPŞ-də Cinayət Məcəlləsinin müvafiq maddələri cinayət işi başlanıb.

Namiq