11-ci sinif şagirdi Araz çayında batdı: Axtarışa dalğıclar cəlb edildi - YENİLƏNİB

Araz çayının İmişli rayonundan keçən hissəsində batan 11-ci sinif şagirdinin axtarışları davam etdirilir.

Avtosfer.az oxu.az-a istinadən xəbər verir ki, bu ilin məzunu Turan Mirişlinin tapılması məqsədilə hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri və katerləri cəlb edilib.

Hazırda ərazidə axtarış-xilasetmə tədbirləri davam etdirilir.

***

İmişli sakini çayda çimərkən boğulub.

Avtosfer.az oxu.az-a istinadən xəbər verir ki, hadisə rayonun Rəsullu kəndi ərazisində baş verib. Kənd sakini Turan Mirağa oğlu Mirişli dünən saat 20 radələrində Araz çayında çimən zaman suda batıb.

Onun meyitin tapılması istiqamətində tədbirlər davam etdirilir.

Faktla bağlı İmişli Rayon Prokurorluğunda araşdırılma aparılır.