51 yaşlı qadın gözəllik salonunda öldü - YENİLƏNİB

Biləsuvar rayonunda 51 yaşlı qadının ölümü ilə bağlı təfərrüat məlum olub.

Avtosfer.az oxu.az-a istinadən xəbər verir ki, 1974-cü il təvəllüdlü İlhamə Məmmədova sahibkar imiş.

O, həmin gözəllik salonunu uzun müddətdir icarəyə götürmüşdü. Məlumata görə, qadın bir neçə gün əvvəl işçilərinə özünü yaxşı hiss etmədiyini, arabir ağrıları olduğunu deyib.

Dünən isə günorta saatlarında o, iş yerində olarkən işçilərə yenidən ağrı hiss etdiyini deyib. Günün ikinci yarısında qadının halı qəfil pisləşib və o yıxılıb. Hadisə yerinə təcili tibbi yardım briqadası çağırılsa da, həkimlər gələnə qədər qadın dünyasını dəyişib.

***17:11
Biləsuvar rayonunda 51 yaşlı qadın iş yerində ölüb.

Avtosfer.az xəbər verir ki, hadisə rayon mərkəzində, M. İbrahimov küçəsində yerləşən gözəllik salonunda qeydə alınıb.

Belə ki, rayon sakini, 1974-cü il təvəllüdlü Məmmədova İlhamə Ümüdvar qızı çalışdığı gözəllik salonunda qəfil dünyasını dəyişib.

İlkin ehtimala görə, qadının ölümünə ürəktutma səbəb olub.

Faktla bağlı araşdırma aparılır./unikal