77 yaşlı kişini maşın vurub ÖLDÜRDÜ

Qaxda 77 yaşlı kişi minik avtomobili ilə vurularaq həyatını itirib.

Avtosfer.az-ın verdiyi məlumata görə, hadisə rayonun Güllük kəndində qeydə alınıb.

Belə ki, fevralın 1-i saat 21:00 radələrində Elmar Mənsumovun idarə etdiyi “Mercedes” markalı avtomobil kənd sakini, 1949-cu il təvəllüdlü Əliyev Abdurahman Hacımurad oğlunu vurub.

Ağır bədən xəsarətləri alan 77 yaşlı kişi hadisə yerində dünyasını dəyişib.

DİN-in Mətbuat xidmətinin regional qrupundan bildirilib ki, faktla bağlı ərazi üzrə polis orqanında cinayət işi başlanılıb, istintaq aparılır.

Könül Rauf