ABŞ ordusu İrana gedən tankeri vurdu

ABŞ hərbi qüvvələri İran limanına doğru hərəkət edərək blokadanı pozmağa cəhd göstərən tankeri zərərsizləşdirib.

Avtosfer.az xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

Bəyanatda bildirilir ki, iyunun 8-də Oman körfəzində Palau bayrağı altında üzən “M/T Marivex” tankeri ABŞ qüvvələri tərəfindən zərərsizləşdirilib. Məlumata görə, gəmi İran limanına daxil olmağa cəhd göstərərək qüvvədə olan blokadanı pozub.

“USS Abraham Lincoln (CVN-72)” gəmisindən havaya qalxan “F/A-18 Super Hornet” qırıcısı ABŞ hərbi qüvvələrinin göstərişlərinə tabe olmamasından sonra gəminin mühərrik və idarəetmə bölmələrinə dəqiq idarə olunan sursatla zərbə endirib. Nəticədə, “Marivex” artıq İrana doğru hərəkət etmir”, – deyə bəyanatda qeyd olunub.

Komandanlıq bildirib ki, aprelin 13-dən etibarən Mərkəzi Komandanlığın qüvvələri blokadanı pozmağa çalışan 7 gəmini zərərsizləşdirib, göstərişlərə əməl edən 134 gəminin marşrutunu dəyişdirib və humanitar yardım daşıyan 42 gəminin keçidinə icazə verib.